nahin hota

asar ham par zarā nahīñ hotā

koī gur kārgar nahīñ hotā

sar pe DanDoñ kī bārisheñ bhī huiiñ

ham se pūchho ki kyā nahīñ hotā

murġh aksar banā.e jaate haiñ

aah phir bhī asar nahīñ hotā

ham ne laDDū churā.e haiñ aksar

jab koī dūsrā nahīñ hotā

likhne paḌhne se bair hai ham ko

pyaar is se kabhī nahīñ hotā

maar jab be-panāh paḌtī hai

tab koī ham-navā nahīñ hotā

dil pe ġham kī ghaTā.eñ chhā.ī haiñ

jab ki chhuTTī kā din nahīñ hotā

khelne kūdne se ulfat hai

kyoñ ki duniyā meñ kyā nahīñ hotā

ghar pe abbā schōl meñ ustād

kaun hai jo burā nahīñ hotā

asar hum par zara nahin hota

koi gur kargar nahin hota

sar pe DanDon ki barishen bhi huin

hum se puchho ki kya nahin hota

murgh aksar banae jate hain

aah phir bhi asar nahin hota

hum ne laDDu churae hain aksar

jab koi dusra nahin hota

likhne paDhne se bair hai hum ko

pyar is se kabhi nahin hota

mar jab be-panah paDti hai

tab koi ham-nawa nahin hota

dil pe gham ki ghaTaen chhai hain

jab ki chhuTTi ka din nahin hota

khelne kudne se ulfat hai

kyon ki duniya mein kya nahin hota

ghar pe abba school mein ustad

kaun hai jo bura nahin hota