nahin

laḌūñ-bhiḌūñ maiñ kisī se ye merā kaam nahīñ

nikāltā maiñ zabāñ se burā kalām nahīñ

ḳhudā-e-pāk ko raazī vo kar nahīñ saktā

baġhair jhuuT jise chain sub.h-o-shām nahīñ

jo log nek haiñ un se hai merī yād-allāh

bure jo log haiñ un se duā salām nahīñ

ḳhudā kā banda huuñ maiñ haañ ḳhudā kā banda huuñ

sivā ḳhudā ke kisī aur kā ġhulām nahīñ

hamesha rahtā huuñ maa.il maiñ sādgī ke saath

rahan-sahan meñ mire koī Tīm-Tām nahīñ

laDun-bhiDun main kisi se ye mera kaam nahin

nikalta main zaban se bura kalam nahin

KHuda-e-pak ko raazi wo kar nahin sakta

baghair jhuT jise chain subh-o-sham nahin

jo log nek hain un se hai meri yaad-allah

bure jo log hain un se dua salam nahin

KHuda ka banda hun main han KHuda ka banda hun

siwa KHuda ke kisi aur ka ghulam nahin

hamesha rahta hun mail main sadgi ke sath

rahan-sahan mein mere koi Tim-Tam nahin