nanha ghasib

mire ghar kī devī ke bālā-e-sīna

khilā hai mohabbat kā taaza kañval

daraḳhshanda jaise sar-e-shām zohra

ufuq par samundar ke aa.e nikal

vo hāthoñ pe apne khilātī hai us ko

vo pairoñ pe apne jhulātī hai us ko

vo rakhtī hai āñkhoñ meñ putlī banā ke

vo sote meñ rotā jo uTh baiThtā hai

to bosoñ se motī se aañsū vo poñchhe

vo sau jaan se har adā par fidā hai

vo hai laal donoñ jahāñ jis pe sadqe

ye nannhī sī jaañ aur ġhāsib ke da.ave

mirā taḳht-e-zarrīñ hai tere havāle

tire dast-o-bāzū farishtoñ ke daste

tū hai vo zabardast jiite pe jiite

mere ghar ki dewi ke baala-e-sina

khila hai mohabbat ka taza kanwal

daraKHshanda jaise sar-e-sham zohra

ufuq par samundar ke aae nikal

wo hathon pe apne khilati hai us ko

wo pairon pe apne jhulati hai us ko

wo rakhti hai aankhon mein putli bana ke

wo sote mein rota jo uTh baiThta hai

to boson se moti se aansu wo ponchhe

wo sau jaan se har ada par fida hai

wo hai lal donon jahan jis pe sadqe

ye nannhi si jaan aur ghasib ke dawe

mera taKHt-e-zarrin hai tere hawale

tere dast-o-bazu farishton ke daste

tu hai wo zabardast jite pe jite