nanha shahsawar

shahsavār

nanhā-munnā shahsavār

īstāda hai

ḳhamīda pusht par merī

jūñ-hī jhuktā huuñ

vo tarġhīb detā hai

mujhe chalne kī

āvāzoñ kī sargam se

maiñ chaltā huuñ

maiñ vāmāñda qadam chaltā huuñ

vo mahmez kī jumbish se kahtā hai ki dauḌo

aur dauḌo, tez-tar, sarpaT chalo

bād-e-naġhma-kār se bāteñ karo

us kā maiñ raḳhsh-e-razā

tez-tar kartā huuñ raftār-e-ḳhirām

mujh ko pahuñchānā hai aaj

us ko rañgoñ titliyoñ ke des meñ

jādū-nagar meñ

mere saa.e kā bhī ab shāyad jahāñ

muntazir koī nahīñ

muntazir haiñ us ke lekin, mere nanhe dost ke

dev-qāmat sabz vārafta-vaqār

duur tak sargoshiyāñ karte hue ashjār

raqs-e-barg-o-bār

jā rahā hai ḳhvāb kī raftār se

dīvāna-vār

merā nanhā shahsavār

shahsawar

nanha-munna shahsawar

istada hai

KHamida pusht par meri

jun-hi jhukta hun

wo targhib deta hai

mujhe chalne ki

aawazon ki sargam se

main chalta hun

main wamanda qadam chalta hun

wo mahmez ki jumbish se kahta hai ki dauDo

aur dauDo, tez-tar, sarpaT chalo

baad-e-naghma-kar se baaten karo

us ka main raKHsh-e-raza

tez-tar karta hun raftar-e-KHiram

mujh ko pahunchana hai aaj

us ko rangon titliyon ke des mein

jadu-nagar mein

mere sae ka bhi ab shayad jahan

muntazir koi nahin

muntazir hain us ke lekin, mere nanhe dost ke

dew-qamat sabz warafta-waqar

dur tak sargoshiyan karte hue ashjar

raqs-e-barg-o-bar

ja raha hai KHwab ki raftar se

diwana-war

mera nanha shahsawar