nannhi-munni qawwali

in kī bhī suneñ un kī bhī suneñ chhoTe jo hue

sunte hī raheñ kuchh bhī na kaheñ chhoTe jo hue

ham par khulī huī to sabhī kī zabān hai

ye mehrbān hai kabhī vo mehrbān hai

aa.e kisī se ḳhauf kisī kā adab kareñ

apnī to har tarah se musībat meñ jaan hai

dadhiyāl meñ phupī haiñ

nanihāl meñ ḳhāla haiñ

ye un se bhī baḌh kar haiñ

vo in se bhī a.alā haiñ

ye chiiz laao

vo chiiz laao

bāzār din meñ sau baar jaao

kyā raat hote

kyā muñh añdhere

shaam aur savere

pheroñ pe phere

bīmār jo ho jaao

sister kā kahā maano

schōl meñ jab tak ho

teacher kā kahā maano

ghar meñ jo raho bhayyā

ghar bhar kā kahā maano

satāyā apne chhoToñ ko agar ham ne baḌe ho kar

to phir vo bhī kaheñge ghar ke āñgan meñ khaḌe ho kar

in kī bhī suneñ un kī bhī suneñ chhoTe jo hue

in ki bhi sunen un ki bhi sunen chhoTe jo hue

sunte hi rahen kuchh bhi na kahen chhoTe jo hue

hum par khuli hui to sabhi ki zaban hai

ye mehrban hai kabhi wo mehrban hai

aae kisi se KHauf kisi ka adab karen

apni to har tarah se musibat mein jaan hai

dadhiyal mein phupi hain

nanihaal mein KHala hain

ye un se bhi baDh kar hain

wo in se bhi aala hain

ye chiz lao

wo chiz lao

bazar din mein sau bar jao

kya raat hote

kya munh andhere

sham aur sawere

pheron pe phere

bimar jo ho jao

sister ka kaha mano

school mein jab tak ho

teacher ka kaha mano

ghar mein jo raho bhayya

ghar bhar ka kaha mano

sataya apne chhoTon ko agar hum ne baDe ho kar

to phir wo bhi kahenge ghar ke aangan mein khaDe ho kar

in ki bhi sunen un ki bhi sunen chhoTe jo hue