na hogī kund jab shamshīr-e-burrāñ saḳht-jānī se
za'īfī jab sunegī ġham ke afsāne javānī se
ta'alluq qat' jab hone ko hogā zindagānī se
tū kyā le jā.egā ai be-ḳhabar duniyā-e-fānī se
nazar meñ phirte hoñge kul natā.ej bhī 'avāqib bhī
samajh meñ aa ga.e hoñge ra’ūnat ke matālib bhī
giraftār-e-qalaq hoñge mulāzim bhī musāhib bhī
sar-e-bālīñ khaḌe hoñge ahibbā bhī aqārib bhī
kisī ke naujavāñ armān miTTī meñ mile hoñge
kisī ke kulba-e-ahzāñ meñ lākhoñ gul khile hoñge
kisī ke zabt-e-paiham se lab-e-nāzuk sile hoñge
kisī ko zindagī bhar apnī qismat par gile hoñge
kisī kī 'ambarīñ zulfeñ pareshāñ ho ga.ī hoñgī
kisī kī chūḌiyāñ mātam pe qurbāñ ho ga.ī hoñgī
kisī kī aañkh rote rote vīrāñ ho ga.ī hoñgī
kisī kī hasrateñ ruḳh par numāyāñ ho ga.ī hoñgī
batā ai kor-bātin terā andāz-e-nazar kyā hai
jo is vaqt aa.e tere kaam vo raḳht-e-safar kyā hai
tirī naḳhvat meñ hashmat meñ amārat meñ asar kyā hai
tujhe mā'lūm hai terī hayāt-e-muḳhtasar kyā hai
kabhī andesha-e-fardā se muñh Daalā garebāñ meñ
kabhī dil se sunā afsāna-e-fitrat gulistāñ meñ
nazar aayā kabhī dāġh-e-siyah māh-e-daraḳhshāñ meñ
kisī gul ko kabhī hañste hue dekhā bayābāñ meñ
na hogi kund jab shamshir-e-burran saKHt-jaani se
za'ifi jab sunegi gham ke afsane jawani se
ta'alluq qat' jab hone ko hoga zindagani se
tu kya le jaega ai be-KHabar duniya-e-fani se
nazar mein phirte honge kul nataej bhi 'awaqib bhi
samajh mein aa gae honge ra’unat ke matalib bhi
giraftar-e-qalaq honge mulazim bhi musahib bhi
sar-e-baalin khaDe honge ahibba bhi aqarib bhi
kisi ke naujawan arman miTTi mein mile honge
kisi ke kulba-e-ahzan mein lakhon gul khile honge
kisi ke zabt-e-paiham se lab-e-nazuk sile honge
kisi ko zindagi bhar apni qismat par gile honge
kisi ki 'ambarin zulfen pareshan ho gai hongi
kisi ki chuDiyan matam pe qurban ho gai hongi
kisi ki aankh rote rote viran ho gai hongi
kisi ki hasraten ruKH par numayan ho gai hongi
bata ai kor-baatin tera andaz-e-nazar kya hai
jo is waqt aae tere kaam wo raKHt-e-safar kya hai
teri naKHwat mein hashmat mein amarat mein asar kya hai
tujhe ma'lum hai teri hayat-e-muKHtasar kya hai
kabhi andesha-e-farda se munh Dala gareban mein
kabhi dil se suna afsana-e-fitrat gulistan mein
nazar aaya kabhi dagh-e-siyah mah-e-daraKHshan mein
kisi gul ko kabhi hanste hue dekha bayaban mein
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.