naya calendar

farvarī phūloñ kī gaaḌī pe savār aatī hai

march aatā hai to bāġhoñ meñ bahār aatī hai

ham ne ballā jo ghumāyā to ka.ī bhaag liye

ek chauke hī meñ april may bhaag liye

tez garmī ne pasīne meñ nahāyā ham ko

june july ne do maah satāyā ham ko

ye ḳhabar le ke august aur sitambar aa.e

imtihānoñ meñ baḌī shaan ke number aa.e

yaad karte haiñ sabaq leTe hue bistar meñ

likhne paḌhne kā maza aatā hai october meñ

yaad rah rah ke hameñ das kā pahāḌā aayā

jab bhī aayā hai november hameñ jaaḌā aayā

garm muffler se jo kānoñ ko chhupāyā ham ne

tāliyāñ de ke december ko bhagāyā ham ne

phir na.e saal kā matlab hameñ samjhātī hai

january sabz dupaTTe meñ chalī aatī hai

farwari phulon ki gaDi pe sawar aati hai

march aata hai to baghon mein bahaar aati hai

hum ne balla jo ghumaya to kai bhag liye

ek chauke hi mein april may bhag liye

tez garmi ne pasine mein nahaya hum ko

june july ne do mah sataya hum ko

ye KHabar le ke august aur sitambar aae

imtihanon mein baDi shan ke number aae

yaad karte hain sabaq leTe hue bistar mein

likhne paDhne ka maza aata hai october mein

yaad rah rah ke hamein das ka pahaDa aaya

jab bhi aaya hai nowember hamein jaDa aaya

garm muffler se jo kanon ko chhupaya hum ne

taliyan de ke december ko bhagaya hum ne

phir nae sal ka matlab hamein samjhati hai

january sabz dupaTTe mein chali aati hai