nazm
ḳhuuñ patthar pe sarak aayā
gahrā niilā rañg havā meñ Duub gayā
jal-kanyā ke jism pe kaale saañp kā saaya lahrāyā
dariyā dariyā zahr chaḌhā
giilī ret pe dhuup ne apnā naam likhā
muTThī meñ machhlī kā aañsū suukh gayā
ghoḌoñ kī Tāpoñ se kamra guuñj uThā
ḳhargoshoñ kī āñkhoñ se sūraj nikle
phir dariyā kī naaf meñ kashtī Duub ga.ī
kāġhaz ke sahrā meñ paanī mat DhūñDo
ahrām ke darvāze kab khulte haiñ
hanger pe kapḌe kī laash laTaktī hai
parbat parbat nañgī ruuh bhaTaktī hai
mujh se ye pūchho logo maiñ kyā huuñ
zañg-ālūda shahr pe thūkne aayā huuñ
KHun patthar pe sarak aaya
gahra nila rang hawa mein Dub gaya
jal-kanya ke jism pe kale sanp ka saya lahraya
dariya dariya zahr chaDha
gili ret pe dhup ne apna nam likha
muTThi mein machhli ka aansu sukh gaya
ghoDon ki Tapon se kamra gunj uTha
KHargoshon ki aankhon se suraj nikle
phir dariya ki naf mein kashti Dub gai
kaghaz ke sahra mein pani mat DhunDo
ahram ke darwaze kab khulte hain
hanger pe kapDe ki lash laTakti hai
parbat parbat nangi ruh bhaTakti hai
mujh se ye puchho logo main kya hun
zang-aluda shahr pe thukne aaya hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
