nazm
tabūk āvāz de rahā hai
zamīñ se ab jo chipak rahegā
munāfiqoñ meñ shumār hogā
lahū ke sūraj kī laal āñhkeñ
udaas lamhoñ ko sūñghtī haiñ
khajūr pakne kā vaqt bhī hai
svāriyāñ aur safar kā sāmān saath le lo
ḳhudā baḌā hai
bahut baḌā hai
ḳhudā baḌā hai
tumhāre ūñToñ kī gardanoñ se
tamām duniyā meñ nuur phaile
tumhāre ghoḌoñ kī hinhināhaT
tumhārī manzil kī raah khole
bulandiyoñ kī taraf bulātā hai aaj koī
ye dhuup saa.e ke saath hogī
havā meñ hañstā nishān dekho
vo uḌte parcham kī shaan dekho
abhī abhī qāfila gayā hai
tabūk āvāz de rahā hai
maiñ apne ghoḌe kī baag moḌūñ
maiñ apne ghar kī taraf na jā.ūñ
tabuk aawaz de raha hai
zamin se ab jo chipak rahega
munafiqon mein shumar hoga
lahu ke suraj ki lal aanhken
udas lamhon ko sunghti hain
khajur pakne ka waqt bhi hai
swariyan aur safar ka saman sath le lo
KHuda baDa hai
bahut baDa hai
KHuda baDa hai
tumhaare unTon ki gardanon se
tamam duniya mein nur phaile
tumhaare ghoDon ki hinhinahaT
tumhaari manzil ki rah khole
bulandiyon ki taraf bulata hai aaj koi
ye dhup sae ke sath hogi
hawa mein hansta nishan dekho
wo uDte parcham ki shan dekho
abhi abhi qafila gaya hai
tabuk aawaz de raha hai
main apne ghoDe ki bag moDun
main apne ghar ki taraf na jaun
- Book : azadi ke bad urdu nazm (Pg. 627)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
