nazm

Ain Rashid

nazm

Ain Rashid

MORE BYAin Rashid

    nahīñ maiñ kisī yūnānī almiye

    markazī kirdār nahīñ

    na maiñ is liye banā thā

    maiñ to ek ḳhāmosh tamāshā.ī huuñ

    hazāroñ saal pattharoñ meñ jakḌe

    kisī markazī kirdār āñkheñ

    jab shāhīn se nochvā.ī jaatī haiñ

    aur jab vo dard se karāh kar kahtā hai

    maiñ tamām pyaar karne vāloñ ke liye ek karbnāk manzar huuñ

    sālhā-sāl samundaroñ meñ bhaTakne vaale sayyāhoñ se

    ḳhudā jab un ke ghar aane din chhīn letā hai

    jab koī sarkash markazī yūnānī kirdār

    apne ābā.ī ḳhudā se muskurā kar kahtā hai

    taḳhlīq ke baad mujh par tumhārā koī haq nahīñ rahā

    to maiñ apne baġhal vaale māsūm tamāshā.ī se

    māchis maañg kar apnā cigarette sulgā letā huuñ

    ḳhudā ye log kitne bevaqūf haiñ

    mujhe zindagī koī tajraba nahīñ

    shāyad apnī ġhaltiyoñ ko hañs kar bhūlne ke fuqdān ko tajraba kahte haiñ

    phir shāyad isī iḳhtilāj-e-kam-tarī ko

    zehn ke frame meñ band rakhne ko

    shāyad mujhe mālūm nahīñ

    ye sadī dard-e-zachgī se karāh rahī hai

    aur maiñ tavārīḳh ke shātirāna sehn meñ

    baiThā soch rahā huuñ

    maiñ nahīñ ye duniyā za.iif ho ga.ī hai

    aur jald mar jā.egī

    magar muarriḳh mere baare meñ kyā likheñge

    nahin main kisi yunani almiye ka

    markazi kirdar nahin

    na hi main is liye bana tha

    main to ek KHamosh tamashai hun

    hazaron sal pattharon mein jakDe

    kisi markazi kirdar ki aankhen

    jab shahin se nochwai jati hain

    aur jab wo dard se karah kar kahta hai

    main tamam pyar karne walon ke liye ek karbnak manzar hun

    ya salha-sal samundaron mein bhaTakne wale sayyahon se

    KHuda jab un ke ghar aane ka din chhin leta hai

    ya jab koi sarkash markazi yunani kirdar

    apne aabai KHuda se muskura kar kahta hai

    taKHliq ke baad mujh par tumhaara koi haq nahin raha

    to main apne baghal wale masum tamashai se

    machis mang kar apna cigarette sulga leta hun

    KHuda ya ye log kitne bewaquf hain

    mujhe zindagi ka koi tajraba nahin

    shayad apni ghaltiyon ko hans kar bhulne ke fuqdan ko tajraba kahte hain

    ya phir shayad isi iKHtilaj-e-kam-tari ko

    zehn ke frame mein band rakhne ko

    shayad mujhe malum nahin

    ye sadi dard-e-zachgi se karah rahi hai

    aur main tawariKH ke shatirana sehn mein

    baiTha soch raha hun

    main nahin ye duniya zaif ho gai hai

    aur jald hi mar jaegi

    magar muarriKH mere bare mein kya likhenge

    RECITATIONS

    Nomaan Shauque

    Nomaan Shauque

    Nomaan Shauque

    nazm Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY