nazm

gharoñ meñ rahiye

vabā badan se nikal ke āñkhoñ tak aa ga.ī hai

huā ke tevar badal ga.e haiñ

parinde peḌoñ se Dar ga.e haiñ

hazāroñ insān mar ga.e haiñ

namāz-e-juma kā saarā manzar badal gayā hai

tavāf-e-ka.aba bhī ruk gayā hai

aur aisā lagtā hai

ye zamīñ ab ke apnī hujjat tamām karne meñ lag ga.ī hai

mire azīzo

ab aise mausam meñ

is vabā kā ilaaj vo hai

jo mere aaqā ne aaj se chaudah sadiyoñ pahle batā diyā thā

ki jo jahāñ hai vahīñ pe Thahre

sau yaad rakhiye

gharoñ meñ rahiye

qayām kiije

ki aisā karne se ain mumkin hai

aap lākhoñ hazāroñ jāneñ bachā ga.e huuñ

gharon mein rahiye

waba badan se nikal ke aankhon tak aa gai hai

hua ke tewar badal gae hain

parinde peDon se Dar gae hain

hazaron insan mar gae hain

namaz-e-juma ka sara manzar badal gaya hai

tawaf-e-kaba bhi ruk gaya hai

aur aisa lagta hai

ye zamin ab ke apni hujjat tamam karne mein lag gai hai

mere azizo

ab aise mausam mein

is waba ka ilaj wo hai

jo mere aaqa ne aaj se chaudah sadiyon pahle bata diya tha

ki jo jahan hai wahin pe Thahre

sau yaad rakhiye

gharon mein rahiye

qayam kije

ki aisa karne se ain mumkin hai

aap lakhon hazaron jaanen bacha gae hun