nazm

ek ke ba.ad ek ka.ī mauteñ mar kar

ab maiñ zinda ho gayā huuñ

ek maiñ hī nahīñ

yahāñ mere ird-gard

aur bahut se

ka.ī baar

maut kā zā.iqe chakh chuke haiñ

kuchh aise bhī haiñ

jo ek baar marne ke ba.ad

dobāra zinda na ho sake

ka.ī mauteñ marne

yā har baar jī uThne par

ham kyūñkar zinda rahe

aur ek baar marne ke ba.ad

kaun sī chiiz hameñ phir se zindagī kī taraf le aa.ī

hameñ nahīñ ma.alūm

lekin ek baat to tai hai

insān do tarah ke haiñ

aur ek baar marne vaale

aur baar baar marne vaale

ye bhī tai samjhe

ki ek baar marne vaale

marne se pahle zinda zarūr the

baar baar marne vāloñ ke baare meñ

ye baat yaqīn se nahīñ kahī jā saktī

ek ke baad ek kai mauten mar kar

ab main zinda ho gaya hun

ek main hi nahin

yahan mere ird-gard

aur bahut se

kai bar

maut ka zaiqe chakh chuke hain

kuchh aise bhi hain

jo ek bar marne ke baad

dobara zinda na ho sake

kai mauten marne

ya har bar ji uThne par

hum kyunkar zinda rahe

aur ek bar marne ke baad

kaun si chiz hamein phir se zindagi ki taraf le aai

hamein nahin malum

lekin ek baat to tai hai

insan do tarah ke hain

aur ek bar marne wale

aur bar bar marne wale

ye bhi tai samjhe

ki ek bar marne wale

marne se pahle zinda zarur the

bar bar marne walon ke bare mein

ye baat yaqin se nahin kahi ja sakti