nazm

shā.iroñ se Daro

ḳhvāboñ kā hand grenade hai un ke paas

agar ziyāda kuchh kahā to

dīvār pe de māreñge

agar chhīnñe kī koshish kī to paanī meñ Daal deñge

jo bhī hai un ke paas

tumheñ nahīñ lene deñge

agar bahut saare jam.a ho ke aaoge

to bhī

āsmān hai un ke paas

bādaloñ kā lashkar lā ke tumheñ Dubo deñge

zamīn hai un ke paas tumheñ

kahīñ jaane na deñge

kashtī hai un ke paas

tumheñ biThā ke le jā.eñge aur kisī

jazīre par chhoḌ deñge

chiḌiyoñ ke saath rahoge to sab kuchh bhuul jāoge

shā.iroñ kī shakl bhī aur apnī bhī

jab vo tumheñ vāpas lene ā.eñge

shāyad tum chiḌiyoñ ko aage kar doge

shairon se Daro

KHwabon ka hand grenade hai un ke pas

agar ziyaada kuchh kaha to

diwar pe de marenge

agar chhinne ki koshish ki to pani mein Dal denge

jo bhi hai un ke pas

tumhein nahin lene denge

agar bahut sare jama ho ke aaoge

to bhi

aasman hai un ke pas

baadalon ka lashkar la ke tumhein Dubo denge

zamin hai un ke pas tumhein

kahin jaane na denge

kashti hai un ke pas

tumhein biTha ke le jaenge aur kisi

jazire par chhoD denge

chiDiyon ke sath rahoge to sab kuchh bhul jaoge

shairon ki shakl bhi aur apni bhi

jab wo tumhein wapas lene aaenge

shayad tum chiDiyon ko aage kar doge