nazr-e-iqbaal

jahāñ meñ misl-e-alī apnā naam paidā kar

''dayār-e-ishq meñ apnā maqām paidā kar''

sabaq ye siikh alī kī ḳhamoshiyoñ se zarā

''sukūt-e-lāla-o-gul se kalām paidā kar''

alī vo hai jo ġharībī meñ bhī amiir rahā

''ḳhudī na bech ġharībī meñ naam paidā kar''

mohabbatoñ ke bahut jaam tū ne baḳhshe haiñ

faroġh-e-ishq-e-alī kā bhī jaam paidā kar

tū shahr-e-ilm ke dar kā faqīr hai to 'adīl'

''nayā zamāna na.e sub.h-o-shām paidā kar''

jahan mein misl-e-ali apna nam paida kar

dayar-e-ishq mein apna maqam paida kar

sabaq ye sikh ali ki KHamoshiyon se zara

sukut-e-lala-o-gul se kalam paida kar

ali wo hai jo gharibi mein bhi amir raha

KHudi na bech gharibi mein nam paida kar

mohabbaton ke bahut jam tu ne baKHshe hain

farogh-e-ishq-e-ali ka bhi jam paida kar

tu shahr-e-ilm ke dar ka faqir hai to 'adil'

naya zamana nae subh-o-sham paida kar