nili qindil

hamārā ruj.hān yaqīnan harāmī-an tak jā chukā hai

hamāre saroñ par ḳhauf musallat ho rahā hai

kyā ham junūn kī had jāgte hue jazbāt nahīñ bak rahe

vāqa.ī hamārī bedārī

ek sochī-samjhī sāzish hai

ham ne junūn kī had tak ishq kiyā

ham ne junūn kī had tak mubāsharat kā lutf liyā

ab hameñ hamārā hī kal jhiñjhoḌ rahā hai

use kaise alag kareñ

be-fikr be-ḳhauf kutte haDDiyoñ par laḌte hue

ab hamārī taraf lapak rahe haiñ

us ke muñh se girtā huā safed jhaag

zamīn ko tarī pahuñchā chukā

aur isī tar hotī zamīn se ek nāzuk paudā

uug kar

bahut saare pighalte hue savāloñ

ke javāb

nā-qābil-e-yaqīn sachchā.ī ke dosh par

pTriyoñ ke hare hare pattoñ

kī ḳhāmosh chhāñv meñ phisalte jā.eñge

hamara rujhan yaqinan harami-an tak ja chuka hai

hamare saron par KHauf musallat ho raha hai

kya hum junun ki had jagte hue jazbaat nahin bak rahe

waqai hamari bedari

ek sochi-samjhi sazish hai

hum ne junun ki had tak ishq kiya

hum ne junun ki had tak mubasharat ka lutf liya

ab hamein hamara hi kal jhinjhoD raha hai

use kaise alag karen

be-fikr be-KHauf kutte haDDiyon par laDte hue

ab hamari taraf lapak rahe hain

us ke munh se girta hua safed jhag

zamin ko tari pahuncha chuka

aur isi tar hoti zamin se ek nazuk pauda

ug kar

bahut sare pighalte hue sawalon

ke jawab

na-qabil-e-yaqin sachchai ke dosh par

pTriyon ke hare hare patton

ki KHamosh chhanw mein phisalte jaenge