nind nahin aati hai

tum ne likkhā hai

niiñd nahīñ aatī hai tum ko

tum se bahut hī duur huuñ nā maiñ

is dhartī se

us dhartī tak

beach meñ kitne dariyā aur samundar hoñge

ye to sach hai

lekin un maaoñ kā socho

jin ke beTe

chāñd talak ik din jā.eñge

jā ke vahāñ par bas jā.eñge

aise meñ

jab raat aa.egī

chāñd zamīñ par niklā hogā

chāñd meñ un kā chehra hogā

lekin un ke ghar kā āñgan

kitnā suunā suunā hogā

darvāzoñ par ḳhāmoshī kā pahra hogā

āñkhoñ meñ vīrānī hogī

dil meñ bhī sannāTā hogā

raat aa.egī

aur āñkhoñ se

niiñd kī pariyāñ rūThī hoñgī

vo bas chāñd ko dekhtī hoñgī

jāgtī hoñgī

un maaoñ ke baare meñ bhī

kuchh to socho

shāyad tum ko niiñd aa jaa.e

maiñ to itnī duur nahīñ huuñ

maiñ to yahīñ par hī bastā huuñ

saañs yahīñ par hī letā huuñ

maiñ to zamīñ par hī rahtā huuñ

tum ne likkha hai

nind nahin aati hai tum ko

tum se bahut hi dur hun na main

is dharti se

us dharti tak

beach mein kitne dariya aur samundar honge

ye to sach hai

lekin un maon ka socho

jin ke beTe

chand talak ek din jaenge

ja ke wahan par bas jaenge

aise mein

jab raat aaegi

chand zamin par nikla hoga

chand mein un ka chehra hoga

lekin un ke ghar ka aangan

kitna suna suna hoga

darwazon par KHamoshi ka pahra hoga

aankhon mein virani hogi

dil mein bhi sannaTa hoga

raat aaegi

aur aankhon se

nind ki pariyan ruThi hongi

wo bas chand ko dekhti hongi

jagti hongi

un maon ke bare mein bhi

kuchh to socho

shayad tum ko nind aa jae

main to itni dur nahin hun

main to yahin par hi basta hun

sans yahin par hi leta hun

main to zamin par hi rahta hun