no mans land

mujhe batā kar

ki merī samt-e-safar kahāñ hai

ka.ī ḳhazānoñ ke

be-nishān naqshe

mujhe thamā kar

kahā thā us ne ki sātveñ dar se aur aage

tumhārī ḳhātir

mirā vo bāb-e-baqā khulā hai

magar

vahāñ par tamām dar vā the merī ḳhātir

vo sātvāñ dar khulā nahīñ thā

magar vahāñ par

koī bhī rāz-e-baqā nahīñ thā

tamām ajsām the salāmat

koī bhī zinda bachā nahīñ thā

koī bhī mere sivā nahīñ thā

vahāñ bhī koī ḳhudā nahīñ thā

mujhe bata kar

ki meri samt-e-safar kahan hai

kai KHazanon ke

be-nishan naqshe

mujhe thama kar

kaha tha us ne ki satwen dar se aur aage

tumhaari KHatir

mera wo bab-e-baqa khula hai

magar

wahan par tamam dar wa the meri KHatir

wo satwan dar khula nahin tha

magar wahan par

koi bhi raaz-e-baqa nahin tha

tamam ajsam the salamat

koi bhi zinda bacha nahin tha

koi bhi mere siwa nahin tha

wahan bhi koi KHuda nahin tha