Nostalgia

vo din kitne munavvar the

kisī ko bāzuoñ meñ be-tarah bharne kī ḳhvāhish se

ayāġh-e-jism-o-jāñ ik be-ḳhudī meñ jab labā-lab thā

chanāroñ ke badan meñ sruḳh-rū mastī dahaktī thī

kuchh aisā haal besh-o-kam hamāre dil kā bhī tab thā

vo din kitne munavvar the

ki bachpan kī hasīñ shāmoñ ke saa.e baat karte the

tū jaise duur ufuq qulqul se hañstā thaa, jahāñ rab thā

ki har lazzat zabāñ ko yaad ke naame sunātī thī

ki har ḳhushbū se paivasta koī pichhlā jahāñ jab thā

mohabbat dil ke ḳhālī dasht meñ jab sair kartī thī

so is tārāj ke aage hameñ kuchh hosh hī kab thā

ḳhushī kā narm-par taa.ir badan meñ sarsarātā thā

to aañsū bhī umaDte the, ḳhushī kā ye bhī ik Dhab thā

vo din kitne munavvar the

tahī-kesa zamāne sarḳhushī se jab chhalakte the

bhare din jis se ḳhālī haiñ tahī kīsoñ meñ vo sab thā

wo din kitne munawwar the

kisi ko bazuon mein be-tarah bharne ki KHwahish se

ayagh-e-jism-o-jaan ek be-KHudi mein jab laba-lab tha

chanaron ke badan mein sruKH-ru masti dahakti thi

kuchh aisa haal besh-o-kam hamare dil ka bhi tab tha

wo din kitne munawwar the

ki bachpan ki hasin shamon ke sae baat karte the

tu jaise dur ufuq qulqul se hansta tha, jahan rab tha

ki har lazzat zaban ko yaad ke name sunati thi

ki har KHushbu se paiwasta koi pichhla jahan jab tha

mohabbat dil ke KHali dasht mein jab sair karti thi

so is taraj ke aage hamein kuchh hosh hi kab tha

KHushi ka narm-par tair badan mein sarsaraata tha

to aansu bhi umaDte the, KHushi ka ye bhi ek Dhab tha

wo din kitne munawwar the

tahi-kesa zamane sarKHushi se jab chhalakte the

bhare din jis se KHali hain tahi kison mein wo sab tha