pak o hind yak-jehti

miyān-e-hind-o-pakistan ik sarhad kā jhagḌā hai

vagarna is imārat ke manāre ek jaise haiñ

karāchī kā kitchen ho yā vo dakan kī ''rasoī'' ho

namak kā farq hai beñgan bhagāre ek jaise haiñ

pajāmoñ ke design ko badal Daalā to kyā ġham hai

hamārī bīviyoñ ke to ġharāre ek jaise haiñ

pareshāñ haal hai public magar donoñ mumālik ke

mirāsī cricketer filmī sitāre ek jaise haiñ

kañvāre log to har mulk meñ āzād phirte haiñ

magar shādī-shudā qismat ke maare ek jaise haiñ

barā.e aqd-ḳhvānī qāziyoñ meñ farq hai lekin

karāchī aur dillī ke chuvāre ek jaise haiñ

kañvārā aadmī ho yā koī āzād leader ho

jo be-peñde ke loTe haiñ vo saare ek jaise haiñ

nikamme rahnumā aur aql se paidal siyāsat-dān

hamāre ek jaise haiñ tumhāre ek jaise haiñ

yahāñ kā ḳhālid-e-irfāñ vahāñ ke 'rāhat'-indorī

nire shā.er haiñ donoñ ke sitāre ek jaise haiñ

miyan-e-hind-o-pakistan ek sarhad ka jhagDa hai

wagarna is imarat ke manare ek jaise hain

karachi ka kitchen ho ya wo dakan ki rasoi ho

namak ka farq hai bengan bhagare ek jaise hain

pajamon ke design ko badal Dala to kya gham hai

hamari biwiyon ke to gharare ek jaise hain

pareshan haal hai public magar donon mumalik ke

mirasi cricketer filmi sitare ek jaise hain

kanware log to har mulk mein aazad phirte hain

magar shadi-shuda qismat ke mare ek jaise hain

barae aqd-KHwani qaziyon mein farq hai lekin

karachi aur dilli ke chuware ek jaise hain

kanwara aadmi ho ya koi aazad leader ho

jo be-pende ke loTe hain wo sare ek jaise hain

nikamme rahnuma aur aql se paidal siyasat-dan

hamare ek jaise hain tumhaare ek jaise hain

yahan ka KHalid-e-irfan wahan ke 'rahat'-indori

nire shaer hain donon ke sitare ek jaise hain