pani

paanī se huvaidā hotī hai duniyā meñ ḳhudā kī rahmat bhī

paanī meñ dikhā.ī detī hai tasvīr-e-azāb-o-la.anat bhī

paanī kī badaulat miltī hai insāñ ko ġhizā kī ne.amat bhī

sailāb kī sūrat meñ paanī laatā hai jahāñ par aafat bhī

ik jhiil ke gahre paanī par is vaqt jamī hai merī nazar

afkār haiñ DāñvāDol mire jazbāt haiñ mere zer-o-zabar

maiñ ḳhushī ḳhushī utrūñ is meñ aur sat.h pe tairūñ hañs hañs kar

yā Duub ke is kī lahroñ meñ pā jā.ūñ ġham-e-hastī se mafar

pani se huwaida hoti hai duniya mein KHuda ki rahmat bhi

pani mein dikhai deti hai taswir-e-azab-o-lanat bhi

pani ki badaulat milti hai insan ko ghiza ki neamat bhi

sailab ki surat mein pani lata hai jahan par aafat bhi

ek jhil ke gahre pani par is waqt jami hai meri nazar

afkar hain DanwaDol mere jazbaat hain mere zer-o-zabar

main KHushi KHushi utrun is mein aur sath pe tairun hans hans kar

ya Dub ke is ki lahron mein pa jaun gham-e-hasti se mafar