pachhtawa

ḳhuda-e-har-do-jahāñ ne jab aadmī ko pahle-pahal sazā dī

bahisht se jab use nikālā

to us ko baḳhshā gayā ye sāthī

ye aisā sāthī hai jo hamesha hī aadmī ke qarīñ rahā hai

tamām advār chhān Daalo

rivāyatoñ meñ hikāyatoñ meñ

azal se tārīḳh kah rahī hai

ki aadmī kī jabīñ hamesha nadāmatoñ se araq rahī hai

vo vaqt jab se ki aadmī ne

ḳhudā kī jannat meñ shajr-e-mamnūa chakh liyā

aur

sarkashī kī

tabhī se is phal kā ye kasīlā zā.iqa

aadmī ke kām-o-dahan meñ hir-phir ke aa rahā hai

magar nadāmat ke talḳh se zā.iqe se pahle gunāh kī be-panāh lazzat

KHuda-e-har-do-jahan ne jab aadmi ko pahle-pahal saza di

bahisht se jab use nikala

to us ko baKHsha gaya ye sathi

ye aisa sathi hai jo hamesha hi aadmi ke qarin raha hai

tamam adwar chhan Dalo

riwayaton mein hikayaton mein

azal se tariKH kah rahi hai

ki aadmi ki jabin hamesha nadamaton se araq rahi hai

wo waqt jab se ki aadmi ne

KHuda ki jannat mein shajr-e-mamnua chakh liya

aur

sarkashi ki

tabhi se is phal ka ye kasila zaiqa

aadmi ke kaam-o-dahan mein hir-phir ke aa raha hai

magar nadamat ke talKH se zaiqe se pahle gunah ki be-panah lazzat