pahchan

ik laash ko ik chaurāhe par

kuchh log khaḌe the ghere hue

lagtā thā tamāshā ho jaise

sab apnī apnī kahte the

murde kā patā batlāne lage

uf qaum kā ik me.amār hai ye

sab jhuuT baḌā ayyār hai ye

rahbar hai ye ik sālār hai ye

bakvās ki ik ġhaddār hai ye

afsos ki ik fankār hai ye

kyā ḳhuub are be-kār hai ye

nāgāh kahīñ se ik buḌhiyā

lāThī ke sahāre aage baḌhī

aur laash pe gir kar kahne lagī

logo ye merā beTā hai

ye mere jigar kā TukḌā hai

ye merī aañkh kā taarā hai

fāqoñ ne diyā hai is ko janam

ye sub.h-e-alam ye shām-e-sitam

ek lash ko ek chaurahe par

kuchh log khaDe the ghere hue

lagta tha tamasha ho jaise

sab apni apni kahte the

murde ka pata batlane lage

uf qaum ka ek meamar hai ye

sab jhuT baDa ayyar hai ye

rahbar hai ye ek salar hai ye

bakwas ki ek ghaddar hai ye

afsos ki ek fankar hai ye

kya KHub are be-kar hai ye

nagah kahin se ek buDhiya

laThi ke sahaare aage baDhi

aur lash pe gir kar kahne lagi

logo ye mera beTa hai

ye mere jigar ka TukDa hai

ye meri aankh ka tara hai

faqon ne diya hai is ko janam

ye subh-e-alam ye sham-e-sitam