pahle fan dast-o-gareban hain karan-ta-ba-karan

pahle fan dast-o-garebāñ haiñ karāñ-tā-ba-karāñ

sar-nigūñ baiThī huī hai ḳhaak par urdu zabāñ

kashtī-e-urdu-zabāñ ke nā-ḳhudāo kyā huā

ilm-o-fan sher-o-suḳhan ke rahnumāo kyā huā

kyā huī vo azmateñ kuchh to batāo kyā huā

pīchhe haTtī jā rahī kyuuñ saf-e-charāġharāñ

sar-nigūñ baiThī huī hai ḳhaak par urdu zabāñ

dekhiye jis ko bhī ab to ham-sar-e-ġhālib hai vo

shā.ir-e-āzam hai aur e.azāz kā tālib hai vo

hai ġhalat-go phir bhī har ik sinf meñ saa.ib hai vo

likh rahā hai ḳhud hī apnī azmatoñ kī dāstāñ

sar-nigūñ baiThī huī hai ḳhaak par urdu zabāñ

numberoñ se aur goshoñ se rasā.il bhar ga.e

is zavāl-e-ilm se ḳhud ilm vaale Dar ga.e

naql ne bāzār luuTā asl apne ghar ga.e

be-adab logoñ ne kholī hai adab kī ik dukāñ

sar-nigūñ baiThī huī hai ḳhaak par urdu zabāñ

pahle fan dast-o-gareban hain karan-ta-ba-karan

sar-nigun baiThi hui hai KHak par urdu zaban

kashti-e-urdu-zaban ke na-KHudao kya hua

ilm-o-fan sher-o-suKHan ke rahnumao kya hua

kya hui wo azmaten kuchh to batao kya hua

pichhe haTti ja rahi kyun saf-e-charagharan

sar-nigun baiThi hui hai KHak par urdu zaban

dekhiye jis ko bhi ab to ham-sar-e-ghaalib hai wo

shair-e-azam hai aur eazaz ka talib hai wo

hai ghalat-go phir bhi har ek sinf mein saib hai wo

likh raha hai KHud hi apni azmaton ki dastan

sar-nigun baiThi hui hai KHak par urdu zaban

numberon se aur goshon se rasail bhar gae

is zawal-e-ilm se KHud ilm wale Dar gae

naql ne bazar luTa asl apne ghar gae

be-adab logon ne kholi hai adab ki ek dukan

sar-nigun baiThi hui hai KHak par urdu zaban