parinde lauT aae

purānī baat hai

lekin ye anhonī sī lagtī hai

huā ik baar yuuñ

bastī ke bāġhoñ meñ

kisī bhī peḌ kī Tahnī pe koī phal nahīñ aayā

hare pattoñ kā mausam lauT kar vāpas nahīñ aayā

parinde ro diye

aur duur ke bāġhoñ meñ hijrat kar ga.e saare

bahut āzurda ho kar bāġhbānoñ ne

duā.eñ kiiñ

munājāteñ paḌhīñ

apne gunāhoñ kī

ḳhudā-e-lam-yazal se ma.āfiyāñ māñgīñ

aur kyāriyāñ kāTīñ

hare pattoñ kā mausam lauT kar vāpas nahīñ aayā

parinde lauT aa.e the

na.ī bastī ke bāġhoñ se

hare pattoñ kī Tahnī toḌ laa.e the

purani baat hai

lekin ye anhoni si lagti hai

hua ek bar yun

basti ke baghon mein

kisi bhi peD ki Tahni pe koi phal nahin aaya

hare patton ka mausam lauT kar wapas nahin aaya

parinde ro diye

aur dur ke baghon mein hijrat kar gae sare

bahut aazurda ho kar baghbanon ne

duaen kin

munajaten paDhin

apne gunahon ki

KHuda-e-lam-yazal se maafiyan mangin

aur kyariyan kaTin

hare patton ka mausam lauT kar wapas nahin aaya

parinde lauT aae the

nai basti ke baghon se

hare patton ki Tahni toD lae the