dastak

subah subah ik ḳhvāb kī dastak par darvāza khulā' dekhā

sarhad ke us paar se kuchh mehmān aa.e haiñ

āñkhoñ se mānūs the saare

chehre saare sune sunā.e

paañv dhue, haath dhulā.e

āñgan meñ aasan lagvā.e

aur tannūr pe makkī ke kuchh moTe moTe roT pakā.e

poTlī meñ mehmān mire

pichhle sāloñ kī fasloñ kā guḌ laa.e the

aañkh khulī to dekhā ghar meñ koī nahīñ thā

haath lagā kar dekhā to tannūr abhī tak bujhā nahīñ thā

aur hoñToñ par mīThe guḌ kā zā.iqa ab tak chipak rahā thā

ḳhvāb thā shāyad!

ḳhvāb hī hogā!!

sarhad par kal raat, sunā hai chalī, thī golī

sarhad par kal raat, sunā hai

kuchh ḳhvāboñ kā ḳhuun huā thaa,

subah subah ek KHwab ki dastak par darwaza khula' dekha

sarhad ke us par se kuchh mehman aae hain

aankhon se manus the sare

chehre sare sune sunae

panw dhue, hath dhulae

aangan mein aasan lagwae

aur tannur pe makki ke kuchh moTe moTe roT pakae

poTli mein mehman mere

pichhle salon ki faslon ka guD lae the

aankh khuli to dekha ghar mein koi nahin tha

hath laga kar dekha to tannur abhi tak bujha nahin tha

aur honTon par miThe guD ka zaiqa ab tak chipak raha tha

KHwab tha shayad!

KHwab hi hoga!!

sarhad par kal raat, suna hai chali, thi goli

sarhad par kal raat, suna hai

kuchh KHwabon ka KHun hua tha,