payam

fazāoñ meñ koī nādīda ma.alūm rasta hai

jahāñ jazbāt muztar ruuh ke sīmāb-pā qāsid

sa.ūbāt-e-safar se be-ḳhabar ik duur manzil ko

paroñ meñ ulfatoñ ke raaz ko le kar

havāoñ kī tarah āzād be-parvā uḌe jaa.eñ

payām-e-shauq de aa.eñ

agar is raat us be-rāh raste par

koī jazba dil-e-betāb se uTh kar

ināñ-bardashta nikle

ishāre garm josh-e-ārzū ā.eñge esir par

unheñ paḌhnā

agar manzūr-e-ḳhātir ho

javāban ek jazbe ko savār-e-barq kar denā

fazaon mein koi nadida malum rasta hai

jahan jazbaat muztar ruh ke simab-pa qasid

saubaat-e-safar se be-KHabar ek dur manzil ko

paron mein ulfaton ke raaz ko le kar

hawaon ki tarah aazad be-parwa uDe jaen

payam-e-shauq de aaen

agar is raat us be-rah raste par

koi jazba dil-e-betab se uTh kar

inan-bardashta nikle

ishaare garm josh-e-arzu aaenge esir par

unhen paDhna

agar manzur-e-KHatir ho

jawaban ek jazbe ko sawar-e-barq kar dena