pazirai

dil baḌhā us kī pazīrā.ī ko

hāthoñ meñ uThā.e

sabz jugnū

nuqra.ī gul

surḳh nāranjī sunahrī kāñptī lau kā charāġh

aisī gul-rū thī ki jab aatī nazar ke sāmne

saarī samtoñ meñ mahak uThte the baaġh

aisī mah-ruḳh thī añdhere meñ bhī

jab dil ke qarīb aatā kabhī us kā ḳhayāl

is adā se sar pe rakkhe

chāñd-tāroñ se bharā puurā falak

jaise ho ik chhoTā sā thaal

aisī dilbar thī ki jab rakh detī

dil ke dil pe haath

bhuul jaatā zindagī ke rañj

ġhairoñ ke diye sab zaḳhm

apnoñ se sunī har talḳh baat

aur ga.ī to le ga.ī

har ik ḳhushī har raushnī ko apne saath

zindagī kyā jagmagātī

bujh ga.ī jab kā.enāt

kis tarah zinda rahā dil

ādatan dhaḌkā kyā dil

rāste meñ

bas isī ke rāste meñ

umr-bhar Thahrā rahā dil

aur zahe qismat chalī aatī hai phir se

apne chehre par sajā.e

ik nadāmat

muskurāhaT meñ ḳhajālat

aañkh meñ lekin vahī pahlī qayāmat

khul uThā hai dil

baḌhā hai sar pe rakkhe

jhilmilātī ārzūoñ aur ummīdoñ kā taaj

dil baḌhā

pahlī mohabbat

aur na.e ġham kī pazīrā.ī ko aaj

dil baDha us ki pazirai ko

hathon mein uThae

sabz jugnu

nuqrai gul

surKH naranji sunahri kanpti lau ka charagh

aisi gul-ru thi ki jab aati nazar ke samne

sari samton mein mahak uThte the bagh

aisi mah-ruKH thi andhere mein bhi

jab dil ke qarib aata kabhi us ka KHayal

is ada se sar pe rakkhe

chand-taron se bhara pura falak

jaise ho ek chhoTa sa thaal

aisi dilbar thi ki jab rakh deti

dil ke dil pe hath

bhul jata zindagi ke ranj

ghairon ke diye sab zaKHm

apnon se suni har talKH baat

aur gai to le gai

har ek KHushi har raushni ko apne sath

zindagi kya jagmagati

bujh gai jab kaenat

kis tarah zinda raha dil

aadatan dhaDka kya dil

raste mein

bas isi ke raste mein

umr-bhar Thahra raha dil

aur zahe qismat chali aati hai phir se

apne chehre par sajae

ek nadamat

muskurahaT mein KHajalat

aankh mein lekin wahi pahli qayamat

khul uTha hai dil

baDha hai sar pe rakkhe

jhilmilati aarzuon aur ummidon ka taj

dil baDha

pahli mohabbat

aur nae gham ki pazirai ko aaj