pazirai

abhī maiñ ne dahlīz par paañv rakkhā hī thā ki

kisī ne mire sar pe phūloñ bharā thaal ulTā diyā

mere bāloñ pe āñkhoñ pe palkoñ pe, hoñToñ pe

māthe pe, ruḳhsār par

phuul hī phuul the

do bahut muskurāte hue hoñT

mere badan par mohabbat kī gulnār mohroñ ko yuuñ sabt karte

chale jā rahe the

ki jaise abad tak

mirī ek ik por kā intisāb

apnī zebā.ī ke naam le kar raheñge

mujhe apne andar samo kar raheñge!

abhi main ne dahliz par panw rakkha hi tha ki

kisi ne mere sar pe phulon bhara thaal ulTa diya

mere baalon pe aankhon pe palkon pe, honTon pe

mathe pe, ruKHsar par

phul hi phul the

do bahut muskuraate hue honT

mere badan par mohabbat ki gulnar mohron ko yun sabt karte

chale ja rahe the

ki jaise abad tak

meri ek ek por ka intisab

apni zebai ke nam le kar rahenge

mujhe apne andar samo kar rahenge!