chacha nehru ka KHat bachchon ke nam

mire aziiz vatan ke aziiz farzando

mire vatan kī na.ī sub.h ke naqīb ho tum

bichhaḌ ke tum se ka.ī saal ho chuke haiñ magar

gumān hotā hai ab tak mire qarīb ho tum

divāliyāñ hoñ ki ii.deñ ḳhushī manā lenā

kabhī ye dil meñ na laanā ki bad-gumāñ huuñ maiñ

tum is yaqīn ko dil se nikālnā na kabhī

ki duur rah ke bhī tum sab ke darmiyāñ huuñ maiñ

maiñ jāntā huuñ judā.ī kā dukh bahut hogā

tum apne dukh ko amal se miTā bhī sakte ho

agarche duur huuñ tum se bahut hī duur magar

mujhe talāsh karo tum to pā bhī sakte

tumheñ milūñgā maiñ gañgā kī shoḳh maujoñ meñ

vo shoḳh maujeñ jinhoñ ne mujhe qarār diyā

tumheñ milūñgā himāla kī sabz-vādī meñ

tamām umr mujhe jis ne maañ kā pyaar diyā

tumheñ milūñgā maiñ khetoñ kī garm miTTī meñ

kisān apnā pasīna jahāñ bahāte haiñ

tumheñ milūñgā mashīnoñ ke darmiyān jahāñ

hazāroñ haath na.ī qismateñ banāte haiñ

tumheñ milūñgā maiñ kāshī kī sarhadoñ meñ kabhī

kabhī milūñgā maiñ ajmer ke gulistāñ meñ

kabhī charāġh kī mānind shab ke siine par

kabhī gulāb kī sūrat vatan ke dāmāñ meñ

mere aziz watan ke aziz farzando

mere watan ki nai subh ke naqib ho tum

bichhaD ke tum se kai sal ho chuke hain magar

guman hota hai ab tak mere qarib ho tum

diwaliyan hon ki iden KHushi mana lena

kabhi ye dil mein na lana ki bad-guman hun main

tum is yaqin ko dil se nikalna na kabhi

ki dur rah ke bhi tum sab ke darmiyan hun main

main jaanta hun judai ka dukh bahut hoga

tum apne dukh ko amal se miTa bhi sakte ho

agarche dur hun tum se bahut hi dur magar

mujhe talash karo tum to pa bhi sakte

tumhein milunga main ganga ki shoKH maujon mein

wo shoKH maujen jinhon ne mujhe qarar diya

tumhein milunga himala ki sabz-wadi mein

tamam umr mujhe jis ne man ka pyar diya

tumhein milunga main kheton ki garm miTTi mein

kisan apna pasina jahan bahate hain

tumhein milunga mashinon ke darmiyan jahan

hazaron hath nai qismaten banate hain

tumhein milunga main kashi ki sarhadon mein kabhi

kabhi milunga main ajmer ke gulistan mein

kabhi charagh ki manind shab ke sine par

kabhi gulab ki surat watan ke daman mein