mirza-ghaalib

añdherī raat meñ jab muskurā uThte haiñ sayyāre

tarannum phuuT paḌtā hai mire sāz-e-rag-e-jāñ se

koī añgḌā.iyāñ letā jab aa jaatā hai mahfil meñ

tamannā karvaTeñ letī hai paiham dukh-bhare dil meñ

nigāheñ bāda-e-ruḳh se ḳhumār-āmez hotī haiñ

sharābī kī tarah jab jhūmtī haiñ ishq kī nabzeñ

koī 'tagore' ke jab mīThe mīThe giit gaatā hai

moallim go.eTe kā falsafa jis dam sunātā hai

tire ash.ār paḌhtā huuñ tire naġhmāt gaatā huuñ

kamāl-e-kaif-o-fart-e-be-ḳhudī meñ jhuum jaatā huuñ

andheri raat mein jab muskura uThte hain sayyare

tarannum phuT paDta hai mere saz-e-rag-e-jaan se

koi angDaiyan leta jab aa jata hai mahfil mein

tamanna karwaTen leti hai paiham dukh-bhare dil mein

nigahen baada-e-ruKH se KHumar-amez hoti hain

sharabi ki tarah jab jhumti hain ishq ki nabzen

koi 'tagore' ke jab miThe miThe git gata hai

moallim goeTe ka falsafa jis dam sunata hai

tere ashaar paDhta hun tere naghmat gata hun

kamal-e-kaif-o-fart-e-be-KHudi mein jhum jata hun