ram

labrez hai sharāb-e-haqīqat se jām-e-hind

sab falsafī haiñ ḳhitta-e-maġhrib ke rām-e-hind

ye hindiyoñ kī fikr-e-falak-ras kā hai asar

rif.at meñ āsmāñ se bhī ūñchā hai bām-e-hind

is des meñ hue haiñ hazāroñ malak-sarisht

mash.hūr jin ke dam se hai duniyā meñ nām-e-hind

hai raam ke vajūd pe hindostāñ ko naaz

ahl-e-nazar samajhte haiñ is ko imām-e-hind

ejaaz is charāġh-e-hidāyat kā hai yahī

raushan-tar-az-sahar hai zamāne meñ shām-e-hind

talvār kā dhanī thā shujā.at meñ fard thā

pākīzgī meñ josh-e-mohabbat meñ fard thā

labrez hai sharab-e-haqiqat se jam-e-hind

sab falsafi hain KHitta-e-maghrib ke ram-e-hind

ye hindiyon ki fikr-e-falak-ras ka hai asar

rifat mein aasman se bhi uncha hai baam-e-hind

is des mein hue hain hazaron malak-sarisht

mashhur jin ke dam se hai duniya mein nam-e-hind

hai ram ke wajud pe hindostan ko naz

ahl-e-nazar samajhte hain is ko imam-e-hind

ejaz is charagh-e-hidayat ka hai yahi

raushan-tar-az-sahar hai zamane mein sham-e-hind

talwar ka dhani tha shujaat mein fard tha

pakizgi mein josh-e-mohabbat mein fard tha