shahid bhagat-singh

zindāñ meñ shahīdoñ kā vo sardār aayā

shaidā-e-vatan paikar-e-īsār aayā

hai dār-o-rasan kī sarfarāzī kā din

sardār bhagat-singh sardār aayā

tā-dār-o-rasan shauq se iThlā ke gayā

to shān-e-shahādat apnī dikhlā ke gayā

TukḌe hotā hai dil tire mātam meñ

lāshe kā añg añg kaTvā ke gayā

pī kar mai-e-shauq jhūmnā vo terā

be-parvāyāna ghūmnā vo terā

hai naqsh tire ahl-e-vatan ke dil par

phāñsī kī rasan ko chūmnā vo terā

jām-e-hubb-e-vatan ke ai matvāle

ai paikar-e-nāmūs hamiyyat vaale

ho ālam-e-arvāh meñ shādāñ ki nahīñ

ab tere vatan meñ vo hukūmat vaale

zindan mein shahidon ka wo sardar aaya

shaida-e-watan paikar-e-isar aaya

hai dar-o-rasan ki sarfaraazi ka din

sardar bhagat-singh sardar aaya

ta-dar-o-rasan shauq se iThla ke gaya

to shan-e-shahadat apni dikhla ke gaya

TukDe hota hai dil tere matam mein

lashe ka ang ang kaTwa ke gaya

pi kar mai-e-shauq jhumna wo tera

be-parwayana ghumna wo tera

hai naqsh tere ahl-e-watan ke dil par

phansi ki rasan ko chumna wo tera

jam-e-hubb-e-watan ke ai matwale

ai paikar-e-namus hamiyyat wale

ho aalam-e-arwah mein shadan ki nahin

ab tere watan mein wo hukumat wale