zakir pyare

saare vatan ke raaj dulāre

sadr-e-hukūmat zākir pyāre

bhārat maañ kī aañkh ke taare

sadr-e-hukūmat zākir pyāre

buniyādī ta.alīm ke baanī

hubb-e-vatan kī zinda kahānī

ilm ke dariyā amn ke dhāre

sadr-e-hukūmat zākir pyāre

ma.amūlī ustād se baḌh kar

ban ga.e saare mulk ke rahbar

ġham se kabhī himmat hī na haare

sadr-e-hukūmat zākir pyāre

dekh ke terī jehd-e-musalsal

chhaT ga.e ḳhud hī dukh ke bādal

phuul bane ġham ke angāre

sadr-e-hukūmat zākir pyāre

gāñdhī jī ke raaz ke mahram

aur javāhar laal ke hamdam

amn-o-amāñ ke pālan-hāre

sadr-e-hukūmat zākir pyāre

āzādī ke diip jalā.e

tū ne vatan se duur bhagā.e

ahd-e-ġhulāmī ke añdhiyāre

sadr-e-hukūmat zākir pyāre

mushtarka tahzīb ke maz.har

ijz-o-ḳhulūs aḳhlāq ke paikar

sab kī ummīdoñ ke sahāre

sadr-e-hukūmat zākir pyāre

tū hai vatan kā rahbar sachchā

kyoñ na vatan kā bachcha bachcha

naam tirā izzat se pukāre

sadr-e-hukūmat zākir piyāre

sare watan ke raj dulare

sadr-e-hukumat zakir pyare

bhaarat man ki aankh ke tare

sadr-e-hukumat zakir pyare

buniyaadi talim ke bani

hubb-e-watan ki zinda kahani

ilm ke dariya amn ke dhaare

sadr-e-hukumat zakir pyare

mamuli ustad se baDh kar

ban gae sare mulk ke rahbar

gham se kabhi himmat hi na haare

sadr-e-hukumat zakir pyare

dekh ke teri jehd-e-musalsal

chhaT gae KHud hi dukh ke baadal

phul bane gham ke angare

sadr-e-hukumat zakir pyare

gandhi ji ke raaz ke mahram

aur jawahar lal ke hamdam

amn-o-aman ke palan-haare

sadr-e-hukumat zakir pyare

aazadi ke dip jalae

tu ne watan se dur bhagae

ahd-e-ghulami ke andhiyare

sadr-e-hukumat zakir pyare

mushtarka tahzib ke mazhar

ijz-o-KHulus aKHlaq ke paikar

sab ki ummidon ke sahaare

sadr-e-hukumat zakir pyare

tu hai watan ka rahbar sachcha

kyon na watan ka bachcha bachcha

nam tera izzat se pukare

sadr-e-hukumat zakir piyare