phir na dekhe bahaar ki surat

ghar ke naqsh-o-nigār kī sūrat

naqsh hai dil pe yaar kī sūrat

uf ye dam toḌtī huī sham.eñ

añkhḌiyoñ meñ ḳhumār kī sūrat

har darīche meñ hai charāġh kā gul

ab hai ye intizār kī sūrat

ab dhaḌaktā hai baar baar dimāġh

dil-e-be-iḳhtiyār kī sūrat

bas yūñhī aate jaate milte haiñ

ham bhī lail-o-nahār kī sūrat

us kā aanā bhī ik qayāmat thā

mahshar-e-intizār kī sūrat

gard kī tarah baiTh jā.eñge

jo uThe haiñ ġhubār kī sūrat

apnī mahrūmiyoñ kā jashn manā.eñ

aao jashn-e-bahār kī sūrat

ye sadī bhī guzar hī jā.egī

shutar-e-be-mahār kī sūrat

vaañ bhī sahtī hai dhuup kī yalġhār

shajar-e-sāya-dār kī sūrat

sar-e-tūfāñ guzār lo 'naqvī'

ik yahī hai qarār kī sūrat

ghar ke naqsh-o-nigar ki surat

naqsh hai dil pe yar ki surat

uf ye dam toDti hui shamen

ankhDiyon mein KHumar ki surat

har dariche mein hai charagh ka gul

ab hai ye intizar ki surat

ab dhaDakta hai bar bar dimagh

dil-e-be-iKHtiyar ki surat

bas yunhi aate jate milte hain

hum bhi lail-o-nahaar ki surat

us ka aana bhi ek qayamat tha

mahshar-e-intizar ki surat

gard ki tarah baiTh jaenge

jo uThe hain ghubar ki surat

apni mahrumiyon ka jashn manaen

aao jashn-e-bahaar ki surat

ye sadi bhi guzar hi jaegi

shutar-e-be-mahaar ki surat

wan bhi sahti hai dhup ki yalghaar

shajar-e-saya-dar ki surat

sar-e-tufan guzar lo 'naqwi'

ek yahi hai qarar ki surat