phir wahi shab ke sarabon ka chalan!

phir vahī ḳhvāb-numā

shab ke sarāboñ kā chalan jaarī hai

shab ki is baar safīrān-e-chaman

aur bhī kuchh bhārī hai

gul pe shabnam pe anādil pe

sabā aur havā sab pe

vahī sehr-e-alam taarī hai

phir usī tarz-e-kuhan

meñ nayā andāz-e-fusūñ-kārī hai

saḳht mushkil meñ haiñ

ai jān-e-vafā arz-e-vatan

harf-e-maqsūd raqīboñ ko gavāra bhī nahīñ

kyā kareñ sabr kā yaarā bhī nahīñ

kaise ta.amīr kī taz.īn kī phir baat kareñ

ḳhūn-e-dil nazr-e-girāñ-bāri-e-auqāt kareñ

ham tahī-dast jo aahoñ meñ asar māñgte haiñ

sabz-o-shādāb hasīñ ḳhuld-e-nazar māñgte haiñ

apnī majbūr tamannā kā nagar māñgte haiñ

ek be-dāġh sahar māñgte haiñ!!

phir wahi KHwab-numa

shab ke sarabon ka chalan jari hai

shab ki is bar safiran-e-chaman

aur bhi kuchh bhaari hai

gul pe shabnam pe anadil pe

saba aur hawa sab pe

wahi sehr-e-alam tari hai

phir usi tarz-e-kuhan

mein naya andaz-e-fusun-kari hai

saKHt mushkil mein hain

ai jaan-e-wafa arz-e-watan

harf-e-maqsud raqibon ko gawara bhi nahin

kya karen sabr ka yara bhi nahin

kaise tamir ki tazin ki phir baat karen

KHun-e-dil nazr-e-giran-bari-e-auqat karen

hum tahi-dast jo aahon mein asar mangte hain

sabz-o-shadab hasin KHuld-e-nazar mangte hain

apni majbur tamanna ka nagar mangte hain

ek be-dagh sahar mangte hain!!