phul

tujh se mahkā saarā gulshan

tujh se banā hai pyārā gulshan

bhīnī bhīnī terī nik.hat

pyārī pyārī terī rangat

jangal meñ hai tujh se mañgal

jalsoñ meñ hai tujh se halchal

nāzish gulshan terī hastī

tujh se hai bulbul kī mastī

terā dam bhartī hai bulbul

tere liye hai phirtī martī

tere liye hī ban se aa.ī

baaġh meñ apnī bastī basā.ī

tere liye hī baaġh meñ chahkī

tere liye hī bhaTkī bahkī

bād-e-sahar ke jhoñke se tū

khil kar phailā detā hai bū

jis dam phailī terī ḳhushbū

dauḌ ga.ī gulshan se har sū

shāḳh meñ kaisā phuul rahā hai

kitnī ḳhushī se jhuul rahā hai

mast huī hai saarī ḳhilqat

phailī hai terī jo nik.hat

rang hai terā kaisā pyārā

shaad huā har ġham kā maarā

dekhte hī har ġhamgīñ tujh ko

bhūlā apne dard aur dukh ko

duniyā bhar kā tū hai chahītā

shak nahīñ is meñ koī aslan

tujh se mahkī saarī zamīñ hai

lekin tujh ko naaz nahīñ hai

tujh ko chāhe saarī duniyā

terī hai har dil meñ tamannā

phuul sikhātā hai ye 'jauhar'

ḳhush raho tum bhī yuuñ hī din bhar

tum bhī ḳhush har ek ko rakkho

maza mohabbat kā bhī chakkho

tujh se mahka sara gulshan

tujh se bana hai pyara gulshan

bhini bhini teri nikhat

pyari pyari teri rangat

jangal mein hai tujh se mangal

jalson mein hai tujh se halchal

nazish gulshan teri hasti

tujh se hai bulbul ki masti

tera dam bharti hai bulbul

tere liye hai phirti marti

tere liye hi ban se aai

bagh mein apni basti basai

tere liye hi bagh mein chahki

tere liye hi bhaTki bahki

baad-e-sahar ke jhonke se tu

khil kar phaila deta hai bu

jis dam phaili teri KHushbu

dauD gai gulshan se har su

shaKH mein kaisa phul raha hai

kitni KHushi se jhul raha hai

mast hui hai sari KHilqat

phaili hai teri jo nikhat

rang hai tera kaisa pyara

shad hua har gham ka mara

dekhte hi har ghamgin tujh ko

bhula apne dard aur dukh ko

duniya bhar ka tu hai chahita

shak nahin is mein koi aslan

tujh se mahki sari zamin hai

lekin tujh ko naz nahin hai

tujh ko chahe sari duniya

teri hai har dil mein tamanna

phul sikhata hai ye 'jauhar'

KHush raho tum bhi yun hi din bhar

tum bhi KHush har ek ko rakkho

maza mohabbat ka bhi chakkho