pir-e-mughan-e-urdu
Interesting Fact
(In the memory of late Naseeruddin Hashmi)
suunā suunā sā hai kyuuñ aaj jahān-e-urdu
uTh gayā kahte haiñ ik pīr-e-muġhān-e-urdu
jis ko DhūñDeñge sadā tishna-labān-e-tahqīq
ro.eñge barsoñ jise dīda-varān-e-urdu
rāh-rau rah-guzar-o-rahbar-e-urdu-e-qadīm
varna miltā thā kise nām-o-nishān-e-urdu
chhin ga.ī ahl-e-vatan ek matā-e-tahqīq
ai dakan luT ga.ī phir terī dukān-e-urdu
āḳhirī tiir bhī tarkash kā huā rāh-e-sipār
TuuT kar rah ga.ī lo aaj kamān-e-urdu
kaun hotā hai harīf-e-mai-e-mard-afgan-e-ilm
kis ke sar jā.egā ab bār-e-girān-e-urdu
suna suna sa hai kyun aaj jahan-e-urdu
uTh gaya kahte hain ek pir-e-mughan-e-urdu
jis ko DhunDenge sada tishna-laban-e-tahqiq
roenge barson jise dida-waran-e-urdu
rah-rau rah-guzar-o-rahbar-e-urdu-e-qadim
warna milta tha kise nam-o-nishan-e-urdu
chhin gai ahl-e-watan ek mata-e-tahqiq
ai dakan luT gai phir teri dukan-e-urdu
aaKHiri tir bhi tarkash ka hua rah-e-sipar
TuT kar rah gai lo aaj kaman-e-urdu
kaun hota hai harif-e-mai-e-mard-afgan-e-ilm
kis ke sar jaega ab bar-e-giran-e-urdu
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
