piye ja

sharāb-ḳhāna hai bazm-e-hastī

har ek hai mahv-e-aish-o-mastī

ma.āl-bīnī o mai-parastī

are ye zillat are ye pastī

shi.ār-e-rindāna kar piye jā

agar koī tujh ko Toktā hai

sharāb piine se roktā hai

samajh ise hosh meñ nahīñ hai

ḳhirad ke āġhosh meñ nahīñ hai

tū is se jhagḌā na kar piye jā

ḳhayāl-e-roz-e-hisāb kaisā

savāb kaisā azaab kaisā

bahisht o dozaḳh ke ye fasāne

ḳhudā kī bāteñ ḳhudā hī jaane

fuzūl sochā na kar piye jā

nahīñ jahāñ meñ mudām rahnā

to kis liye tishna-kām rahnā

uThā uThā haañ uThā subū ko

tamām duniyā kī haao hū ko

ġharīq-e-paimāna kar piye jā

kisī se takrār kyā zarūrat

fuzūl isrār kyā zarūrat

koī piye to use pilā de

agar na maane to muskurā de

malāl-e-aslā na kar piye jā

tujhe samajhte haiñ ahl-e-duniyā

ḳharāb ḳhasta zalīl rusvā

nahīñ ayaañ un pe haal terā

koī nahīñ ham-ḳhayāl terā

kisī kī parvā na kar piye jā

ye tujh par āvāze kasne vaale

tamām haiñ mere dekhe bhāle

nahīñ mazāq un ko mai-kashī kā

ye ḳhuun piite haiñ aadmī kā

tū un kā shikvā na kar piye jā

sharab-KHana hai bazm-e-hasti

har ek hai mahw-e-aish-o-masti

maal-bini o mai-parasti

are ye zillat are ye pasti

shiar-e-rindana kar piye ja

agar koi tujh ko Tokta hai

sharab pine se rokta hai

samajh ise hosh mein nahin hai

KHirad ke aaghosh mein nahin hai

tu is se jhagDa na kar piye ja

KHayal-e-roz-e-hisab kaisa

sawab kaisa azab kaisa

bahisht o dozaKH ke ye fasane

KHuda ki baaten KHuda hi jaane

fuzul socha na kar piye ja

nahin jahan mein mudam rahna

to kis liye tishna-kaam rahna

uTha uTha han uTha subu ko

tamam duniya ki hao hu ko

ghariq-e-paimana kar piye ja

kisi se takrar kya zarurat

fuzul israr kya zarurat

koi piye to use pila de

agar na mane to muskura de

malal-e-asla na kar piye ja

tujhe samajhte hain ahl-e-duniya

KHarab KHasta zalil ruswa

nahin ayan un pe haal tera

koi nahin ham-KHayal tera

kisi ki parwa na kar piye ja

ye tujh par aawaze kasne wale

tamam hain mere dekhe bhaale

nahin mazaq un ko mai-kashi ka

ye KHun pite hain aadmi ka

tu un ka shikwa na kar piye ja