ek bar jo kho jae wo waqt nahin milta

ik baar jo kho jaa.e vo vaqt nahīñ miltā

jo phuul bikhar jaa.e vo murjhā ke nahīñ khiltā

jo vaqt milā ham ko allāh kī amānat hai

ik ḳhvāb kā chehrā hai ta.abīr kī sūrat hai

gar hukm na ho us kā pattā bhī nahīñ hiltā

ik baar jo kho jaa.e vo vaqt nahīñ miltā

mauqe kā bas ik Tāñkā to Tāñke bachātā hai

udhḌe hue dāman ko phaTne se bachātā hai

tāḳhīr jo ho jaa.e phir yūñhī nahīñ siltā

ik baar jo kho jaa.e vo vaqt nahīñ miltā

tauqīr karo us kī jo lamha mayassar hai

jo vaqt pe ho jaa.e bas kaam vo behtar hai

hāthoñ se phisal jaa.e jo baḳht nahīñ miltā

ik baar jo kho jaa.e vo vaqt nahīñ miltā

ek bar jo kho jae wo waqt nahin milta

jo phul bikhar jae wo murjha ke nahin khilta

jo waqt mila hum ko allah ki amanat hai

ek KHwab ka chehra hai tabir ki surat hai

gar hukm na ho us ka patta bhi nahin hilta

ek bar jo kho jae wo waqt nahin milta

mauqe ka bas ek Tanka to Tanke bachata hai

udhDe hue daman ko phaTne se bachata hai

taKHir jo ho jae phir yunhi nahin silta

ek bar jo kho jae wo waqt nahin milta

tauqir karo us ki jo lamha mayassar hai

jo waqt pe ho jae bas kaam wo behtar hai

hathon se phisal jae jo baKHt nahin milta

ek bar jo kho jae wo waqt nahin milta