khilta hua gulab hai 26 january

lamhe na.e haiñ saal nayā aarzū na.ī

himmat nahīñ hai raah na.ī justujū na.ī

lagtī hai ham ko aaj har ik guftugū na.ī

ujlā sā āftāb hai chhabbīs january

khiltā huā gulāb hai chhabbīs january

jis din banā thā mulk meñ ā.īn-e-ḳhush-gavār

apne chaman meñ aa.ī thī jis din na.ī bahār

jo din hai apnī azmat-o-rif.at kī yādgār

us din kā ek baab hai chhabbīs january

khiltā huā gulāb hai chhabbīs january

har rāh-rau kī laal qile par nazar hai aaj

ūñchā jahāñ meñ apne tirañge kā sar hai aaj

āzādī-e-vatan kī ḳhushī auj par hai aaj

raushan hai kāmyāb hai chhabbīs january

khiltā huā gulāb hai chhabbīs january

dil meñ buland hausle rakhte haiñ naujavāñ

svārāj mil gayā hai to bachche haiñ shādmāñ

masrūr zindagī hai irāde haiñ kāmrāñ

ik jashn-e-āb-o-tāb hai chhabbīs january

khiltā huā gulāb hai chhabbīs january

lamhe nae hain sal naya aarzu nai

himmat nahin hai rah nai justuju nai

lagti hai hum ko aaj har ek guftugu nai

ujla sa aaftab hai chhabbis january

khilta hua gulab hai chhabbis january

jis din bana tha mulk mein aain-e-KHush-gawar

apne chaman mein aai thi jis din nai bahaar

jo din hai apni azmat-o-rifat ki yaadgar

us din ka ek bab hai chhabbis january

khilta hua gulab hai chhabbis january

har rah-rau ki lal qile par nazar hai aaj

uncha jahan mein apne tirange ka sar hai aaj

aazadi-e-watan ki KHushi auj par hai aaj

raushan hai kaamyab hai chhabbis january

khilta hua gulab hai chhabbis january

dil mein buland hausle rakhte hain naujawan

swaraj mil gaya hai to bachche hain shadman

masrur zindagi hai irade hain kaamran

ek jashn-e-ab-o-tab hai chhabbis january

khilta hua gulab hai chhabbis january