nasihat

kare dushmanī koī tum se agar

jahāñ tak bane tum karo darguzar

karo tum na hāsid kī bātoñ pe ġhaur

jale jo koī us ko jalne do aur

agar tum se ho jaa.e sarzad qusūr

to iqrār o tauba karo bizzarūr

badī kī ho jis ne tumhāre ḳhilāf

jo chāhe muāfī to kar do muaaf

nahīñ, balki tum aur ehsāñ karo

bhalā.ī se us ko pashemāñ karo

hai sharmindagī us ke dil kā ilaaj

sazā aur malāmat kī kyā ehtiyāj

bhalā.ī karo to karo be-ġharaz

ġharaz kī bhalā.ī to hai ik maraz

jo muhtāj māñge to do tum udhār

raho vāpsī ke na ummīd-vār

jo tum ko ḳhudā ne diyā hai to do

na ḳhissat karo is meñ jo ho so ho

kare dushmani koi tum se agar

jahan tak bane tum karo darguzar

karo tum na hasid ki baaton pe ghaur

jale jo koi us ko jalne do aur

agar tum se ho jae sarzad qusur

to iqrar o tauba karo bizzarur

badi ki ho jis ne tumhaare KHilaf

jo chahe muafi to kar do muaf

nahin, balki tum aur ehsan karo

bhalai se us ko pasheman karo

hai sharmindagi us ke dil ka ilaj

saza aur malamat ki kya ehtiyaj

bhalai karo to karo be-gharaz

gharaz ki bhalai to hai ek maraz

jo muhtaj mange to do tum udhaar

raho wapsi ke na ummid-war

jo tum ko KHuda ne diya hai to do

na KHissat karo is mein jo ho so ho