priti

tum nahīñ ho miTne vaalī nahīñ

paatī ho janam tum na.e na.e

har na.ī bahār ke phūloñ meñ

mānind-e-hayāt tumhāre patte bhī piile paḌ jaate haiñ

mānind-e-hayāt tumheñ bhī Dhak detī hai barf

par tumhārī miTTī meñ prītī

pakke bachnoñ ke biij dabe haiñ

puurā honā hai jin ko basar away meñ bhī

piit na karne kī ye dhun be-kār hai

ye mahkār bharā jhoñkā

lauT aatā hai ek na ek din

aatm nagar meñ

jaise raat sitāroñ bharī

aur samāne lagtī ho tum rome rome meñ prītī

pahle se pākīza

tum paak ho aur isī kāran huā amar

jab tum hotī ho tab nīlāhaT se

jhunD ke jhunD safed mulā.em hansoñ ke

jin ko ham mare-khape samjhe the

lauT aate haiñ

phuul phuul se pattiyāñ khilātī rahtī ho tum na.ī na.ī

tum sadā sadā ke nuur ko raag banā detī ho

na.ī na.ī āvāzoñ se janmā huā raag

tum amar ho prītī

jaise bahār

tum nahin ho miTne wali nahin

pati ho janam tum nae nae

har nai bahaar ke phulon mein

manind-e-hayat tumhaare patte bhi pile paD jate hain

manind-e-hayat tumhein bhi Dhak deti hai barf

par tumhaari miTTi mein priti

pakke bachnon ke bij dabe hain

pura hona hai jin ko basar away mein bhi

pit na karne ki ye dhun be-kar hai

ye mahkar bhara jhonka

lauT aata hai ek na ek din

aatm nagar mein

jaise raat sitaron bhari

aur samane lagti ho tum rome rome mein priti

pahle se pakiza

tum pak ho aur isi karan hua amar

jab tum hoti ho tab nilahaT se

jhunD ke jhunD safed mulaem hanson ke

jin ko hum mare-khape samjhe the

lauT aate hain

phul phul se pattiyan khilati rahti ho tum nai nai

tum sada sada ke nur ko rag bana deti ho

nai nai aawazon se janma hua rag

tum amar ho priti

jaise bahaar