pyar hai wo

nannhī munnī duudh kī ḳhushbū luñDhātī guDhliyoñ chaltī mohabbat bāñTtī

tutlāhaToñ kā qāfila-sālār hai vo

ras se bhārī hoñT chandan sī mahaktī zulf amrit se bhare

ulTe kaToroñ lajlajī lazzat se bojhal Tahniyoñ kā ḳhandaqoñ qosoñ

tikonoñ kā alam-bardār hai vo

jhuktī kamroñ barf se bāloñ badan ke dukhte joḌoñ jannatī pairoñ

kī ḳhātir sūrat-e-dastār hai vo

sub.h-e-taḳhlīq-o-tasavvur hai javānī kī do-pahrī

visāl-e-zīst kā tyauhār hai vo

pyaar hai vo

nannhi munni dudh ki KHushbu lunDhati guDhliyon chalti mohabbat banTti

tutlahaTon ka qafila-salar hai wo

ras se bhaari honT chandan si mahakti zulf amrit se bhare

ulTe kaToron lajlaji lazzat se bojhal Tahniyon ka KHandaqon qoson

tikonon ka alam-bardar hai wo

jhukti kamron barf se baalon badan ke dukhte joDon jannati pairon

ki KHatir surat-e-dastar hai wo

subh-e-taKHliq-o-tasawwur hai jawani ki do-pahri

visal-e-zist ka tyauhaar hai wo

pyar hai wo