pyar ka sangam

ye vo gulshan hai jis meñ phuul khilte haiñ ahinsā ke

isī kī god ne pur-amn insānoñ ko paalā hai

ye vo dhartī hai jis meñ vīrtā parvān chaḌhtī hai

isī kī god ne vīroñ ko balvānoñ ko paalā hai

isī kī kokh ne paidā kiyā hai un javānoñ ko

jo apnī aan apne bāñkpan kī laaj rakhte haiñ

vatan kī aabrū par gar zarā bhī aañch aatī hai

to apnī jaan de kar ye vatan kī laaj rakhte haiñ

yahāñ kā zarra zarra chāñd aur sūraj se baḌh kar hai

mubārakbād do is mātr-bhūmi ke ujāloñ ko

yahāñ se ektā kā pyaar kā paiġhām miltā hai

mubārakbād do in masjidoñ ko in shivāloñ ko

lagāo aaj apne desh kī miTTī ke jai-kāre

lagāo aaj is dhartī kī zindabād ke na.are

ye wo gulshan hai jis mein phul khilte hain ahinsa ke

isi ki god ne pur-amn insanon ko pala hai

ye wo dharti hai jis mein wirta parwan chaDhti hai

isi ki god ne wiron ko balwanon ko pala hai

isi ki kokh ne paida kiya hai un jawanon ko

jo apni aan apne bankpan ki laj rakhte hain

watan ki aabru par gar zara bhi aanch aati hai

to apni jaan de kar ye watan ki laj rakhte hain

yahan ka zarra zarra chand aur suraj se baDh kar hai

mubarakbaad do is matr-bhumi ke ujalon ko

yahan se ekta ka pyar ka paigham milta hai

mubarakbaad do in masjidon ko in shiwalon ko

lagao aaj apne desh ki miTTi ke jai-kare

lagao aaj is dharti ki zindabaad ke nare