pyar ka tohfa
Interesting Fact
On his friend Yash Chopra's marriage
kārgar ho ga.ī ahbāb kī tadbīr ab ke
maañg lī aap hī dīvāne ne zanjīr ab ke
jis ne har daam meñ aane meñ takalluf bartā
le uḌī hai use zulf-e-girah-gīr ab ke
jo sadā husn kī aqlīm meñ mumtāz rahe
dil ke ā.īne meñ utrī hai vo tasvīr ab ke
ḳhvāb hī ḳhvāb javānī kā muqaddar the kabhī
ḳhvāb se baḌh ke gale mil ga.ī ta.abīr ab ke
ajnabī ḳhush hue apnoñ ne duā.eñ māñgīñ
is salīqe se sañvārī ga.ī taqdīr ab ke
yaar kā jashn hai aur pyaar kā tohfa haiñ ye sher
ḳhud-ba-ḳhud ek duā ban ga.ī tahrīr ab ke
kargar ho gai ahbab ki tadbir ab ke
mang li aap hi diwane ne zanjir ab ke
jis ne har dam mein aane mein takalluf barta
le uDi hai use zulf-e-girah-gir ab ke
jo sada husn ki aqlim mein mumtaz rahe
dil ke aaine mein utri hai wo taswir ab ke
KHwab hi KHwab jawani ka muqaddar the kabhi
KHwab se baDh ke gale mil gai tabir ab ke
ajnabi KHush hue apnon ne duaen mangin
is saliqe se sanwari gai taqdir ab ke
yar ka jashn hai aur pyar ka tohfa hain ye sher
KHud-ba-KHud ek dua ban gai tahrir ab ke
- Book : Kulliyat-e-Sahir Ludhianvi (Pg. 244)
- Author : SAHIR LUDHIANVI
- Publication : Farid Book Depot (Pvt.) Ltd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
