pyar karte raho

sab ki sunte raho

pyaar karte raho

aur kuchh na kaho

chāhe boleñ na vo

lab ko kholeñ na vo

dil alag baat hai

apne lahja meñ bhī

pyaar gholeñ na vo

apnā jo farz hai

is tarah ho adā

jaise ek qarz hai

koī jo kuchh kahe

us ki sunte raho

pyaar karte raho

or kuch na kaho

be-ḳhayālī meñ hī

lab agar khul jaa.eñ

aur zabāñ par kabhī

koī sach aa gayā

yuuñ samajh luuñ ki phir

silsile jitne the

darmiyāñ jo bhī thā

ḳhvāb dekhe the jo

sab bikher jā.eñge

aisā karnā nahīñ

sab kī sunñā magar

tum bikharnā nahīñ

masle sab ke sab

haiñ safed-o-siyāh

mas.aloñ maiñ kabhī

rañg bharnā nahīñ

dil meñ gar pyaar ho

lab pe iqrār ho

pyaar hī pyaar bus

harf-e-iz.hār ho

gar anā ye kahe

dil na mil pā.eñge

is pe mat jā.iye

khoTī he ye anā

is se kuchh na banā

dil kī bāteñ suno

fāsle se sahīh

pyaar karte raho

aur kuchh na kaho

rasta ek hai

mudda.ā ek hai

ik hamārī hai kyā

saarī duniyā kā hī

silsila ek hai

ek aa.e the ham

ek aa.e the tum

ek hai ye safar

bhiiḌ kitnī bhī ho

apnī apnī jagah

har koī ek hai

naam haiñ go judā

par ḳhudā ek hai

bus ḳhudā kī tarah

sab kī sunte raho

pyaar karte raho

aur kuchh na kaho

kahne sunñe se to

kuchh badaltā nahīñ

raat jaatī nahīñ

din Thahartā nahīñ

hone vaalā hai kyā

kuchh bhī khultā nahīñ

vaqt kam hai bahut

itne kam vaqt meñ

jis qadar kar sako

pyaar karte raho

aur kuchh na kaho

sab ki sunte raho

pyar karte raho

aur kuchh na kaho

chahe bolen na wo

lab ko kholen na wo

dil alag baat hai

apne lahja mein bhi

pyar gholen na wo

apna jo farz hai

is tarah ho ada

jaise ek qarz hai

koi jo kuchh kahe

us ki sunte raho

pyar karte raho

or kuch na kaho

be-KHayali mein hi

lab agar khul jaen

aur zaban par kabhi

koi sach aa gaya

yun samajh lun ki phir

silsile jitne the

darmiyan jo bhi tha

KHwab dekhe the jo

sab bikher jaenge

aisa karna nahin

sab ki sunna magar

tum bikharna nahin

masle sab ke sab

hain safed-o-siyah

masalon main kabhi

rang bharna nahin

dil mein gar pyar ho

lab pe iqrar ho

pyar hi pyar bus

harf-e-izhaar ho

gar ana ye kahe

dil na mil paenge

is pe mat jaiye

khoTi he ye ana

is se kuchh na bana

dil ki baaten suno

fasle se sahih

pyar karte raho

aur kuchh na kaho

rasta ek hai

muddaa ek hai

ek hamari hai kya

sari duniya ka hi

silsila ek hai

ek aae the hum

ek aae the tum

ek hai ye safar

bhiD kitni bhi ho

apni apni jagah

har koi ek hai

nam hain go juda

par KHuda ek hai

bus KHuda ki tarah

sab ki sunte raho

pyar karte raho

aur kuchh na kaho

kahne sunne se to

kuchh badalta nahin

raat jati nahin

din Thaharta nahin

hone wala hai kya

kuchh bhi khulta nahin

waqt kam hai bahut

itne kam waqt mein

jis qadar kar sako

pyar karte raho

aur kuchh na kaho