پیاری باجی
کتنی اچھی پیاری باجی
پیاری پیاری پیاری باجی
اچھے اچھے گیت سنائے
پیارے پیارے گیت سنائے
ایک تھا راجہ ایک تھی رانی
روز کہے دلچسپ کہانی
بوجھے ہے دلچسپ پہیلی
اچھی دوست ہے پیاری سہیلی
کتنے قصے یاد ہیں اس کو
خوب لطیفے یاد ہیں اس کو
مجھ کو خوب ہنسائے باجی
روؤں تو بہلائے باجی
کتنی اچھی پیاری باجی
پیاری پیاری پیاری باجی
گڑیا کا جب بیاہ رچائے
سب بچوں کو ساتھ کھلائے
باغ میں جا کر جھولا جھولے
موج میں آ کر ڈالی چھو لی
کھیلے مل جل آنکھ مچولی
بولے سب سے پیار کی بولی
کھیلے پر اسکول سے پہلے
رک جائے ہر بھول سے پہلے
پڑھنے میں ہوشیار ہے باجی
کھیل میں بھی تیار ہے باجی
کتنی اچھی پیاری باجی
پیاری پیاری پیاری باجی
مکھڑا اس کا بھولا بھالا
دانت اس کے موتی کی مالا
ہنس دے تو پھلجھڑیاں چھوٹے
بات کریں کھل جائے بوٹے
پیاری پیاری باتیں اس کی
رہبر ساری باتیں اس کی
سب کو اچھی بات بتائے
سب کو سچی بات سکھائے
سچی چاہ جتائے باجی
سیدھی راہ دکھائے باجی
کتنی اچھی پیاری باجی
پیاری پیاری پیاری باجی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
