qabristan ke nal par

bilā sabab baḌbaḌā rahe ho

jo phañs ga.e ho

to kam-se-kam ab savāb hī Dhang se kamā lo

kahā thā maiñ ne

ki nal chalāne meñ koī sājhā nahīñ karegā

magar kisī kī sunī hai tum ne

are vo hālāt aur the

jis meñ har koī

har qadam pe kāñdhā badal rahā thā

par ab to tadfīn ho chukī

bhiiḌ mutma.in hai

ki aaj bhar kā savāb us ne kamā liyā hai

to kaun aage baḌhegā bolo

so kaun kitnā burā hai ye baat bhuul kar

sirf nal chalāo

chalā.e jaao

ki jab talak bhiiḌ meñ har ik ḳhās-o-'ām ke

paañv dhul na jaa.eñ

bila sabab baDbaDa rahe ho

jo phans gae ho

to kam-se-kam ab sawab hi Dhang se kama lo

kaha tha main ne

ki nal chalane mein koi sajha nahin karega

magar kisi ki suni hai tum ne

are wo haalat aur the

jis mein har koi

har qadam pe kandha badal raha tha

par ab to tadfin ho chuki

bhiD mutmain hai

ki aaj bhar ka sawab us ne kama liya hai

to kaun aage baDhega bolo

so kaun kitna bura hai ye baat bhul kar

sirf nal chalao

chalae jao

ki jab talak bhiD mein har ek KHas-o-'am ke

panw dhul na jaen