qaumi jhanDa

jantā kā armān hai jhanDā

āzādī kī jaan hai jhanDā

bhārat kī pahchān hai jhanDā

is kī azmat ke gun gaao

aur bhī is kī shaan baḌhāo

is se jitne rang ayaañ haiñ

sab apnī manzil ke nishāñ haiñ

is meñ kitne raaz nihāñ haiñ

is kī azmat ke gun gaao

aur bhī is kī shaan baḌhāo

jhanDā hī tauqīr-e-vatan hai

jhanDā hī tasvīr-e-vatan hai

jhanDā hī taqdīr-e-vatan hai

is kī azmat ke gun gaao

aur bhī is kī shaan baḌhāo

is kī lahreñ aañkh kā til haiñ

ye sāgar hai ham sāhil haiñ

is par qurbāñ jān-o-dil haiñ

is kī azmat ke gun gaao

aur bhī is kī shaan baḌhāo

janta ka arman hai jhanDa

aazadi ki jaan hai jhanDa

bhaarat ki pahchan hai jhanDa

is ki azmat ke gun gao

aur bhi is ki shan baDhao

is se jitne rang ayan hain

sab apni manzil ke nishan hain

is mein kitne raaz nihan hain

is ki azmat ke gun gao

aur bhi is ki shan baDhao

jhanDa hi tauqir-e-watan hai

jhanDa hi taswir-e-watan hai

jhanDa hi taqdir-e-watan hai

is ki azmat ke gun gao

aur bhi is ki shan baDhao

is ki lahren aankh ka til hain

ye sagar hai hum sahil hain

is par qurban jaan-o-dil hain

is ki azmat ke gun gao

aur bhi is ki shan baDhao