qaza nahin hona tujhe

lauh kā rāsta, dhuup ke shāmiyānoñ se Dhāñpā huā

ajnabī ajnabī chaap suntā rahaa... saath chaltā rahā

aur phir ek din... das moharram kī āñkhoñ se niklā huā

ik sunahrī kañval

yuuñ uchhālā ufaq kī shafaq jhiil meñ...

shaam ke vaqt ne

jaise iblīs sikka koī

pheñk de rahm-e-tārīḳh ke surḳh kashkol meñ

āsmāñ ruk gayaa... ruk gayā āsmāñ

so gayā ijtimā.ī lahad meñ kahīñ zindagī kā damishq

maiñ ne sochā ki aise meñ bahtā nahīñ

ashk-e-āb-e-furāt

rāsta rok pahle... paḌāv ke ḳheme lagā

aur phir shaam kī bāz-gashtoñ meñ bahtī azaañ

mujh se kahne lagī

vaqt ko zaa.e karnā gunāh-e-kabīra se bhī baḌh ke hai

qibla-rū ho ke labbaik maiñ ne kahā

koī shah-e-rag ke andar se kahne lagā

ki namāzeñ qazā lauT saktī haiñ lekin qazā sā.ateñ

lauT saktī nahīñ!

lauh ka rasta, dhup ke shamiyanon se Dhanpa hua

ajnabi ajnabi chap sunta raha sath chalta raha

aur phir ek din das moharram ki aankhon se nikla hua

ek sunahri kanwal

yun uchhaala ufaq ki shafaq jhil mein

sham ke waqt ne

jaise iblis sikka koi

phenk de rahm-e-tariKH ke surKH kashkol mein

aasman ruk gaya ruk gaya aasman

so gaya ijtimai lahad mein kahin zindagi ka damishq

main ne socha ki aise mein bahta nahin

ashk-e-ab-e-furaat

rasta rok pahle paDaw ke KHeme laga

aur phir sham ki baz-gashton mein bahti azan

mujh se kahne lagi

waqt ko zae karna gunah-e-kabira se bhi baDh ke hai

qibla-ru ho ke labbaik main ne kaha

koi shah-e-rag ke andar se kahne laga

ki namazen qaza lauT sakti hain lekin qaza saaten

lauT sakti nahin!